Gofal & Thrwsio
Y weledigaeth ar draws mudiad Gofal a Thrwsio yw : Dylai pob person hŷn fyw mewn cartrefi sy’n gwella ansawdd eu bywyd.
Pwy ydym ni?
Mae Gofal a Thrwsio Sir Ddinbych yn cynorthwyo pobl hŷn (60 +) i aros yn annibynnol yn eu cartrefi eu hunain yn gyfforddus, diogel a chynes.
Rydym yn darparu cyngor ac arweiniad i berchnogion tai a thenantiaid preifat yn Sir Ddinbych sydd dros 60 oed.
Gallwn eich helpu gyda’r canlynol:
- Dewisiadau tai * / atebion er mwyn eich galluogi i aros yn annibynnol yn eich cartrefi eich hunain;
- Materion technegol megis gwaith atgyweirio / gwella neu addasu;
- Argymell contractwyr oddi ar ein rhestr gymeradwy;
- Cymorth ymarferol i drefnu a gwaith monitro er mwyn sicrhau bod gwaith yn cael ei wneud i safon foddhaol;
- Cymorth i lenwi ffurflenni cais am grantiau a budd-daliadau;
- Gwneud cais am grantiau i wneud eich cartref yn gynhesach;
- Bod yn ddiogel yn eich cartref eich hun gyda Gwiriadau Cartrefi Iach;
- Gwiriadau Diogelwch Tân a gynhelir mewn partneriaeth â Gwasanaeth Tân ac Achub Gogledd Cymru ;
- ‘Gwasanaethau Garddio Gerddi Gwyrdd’ a chynllun tasgmon (codir tâl).
"Mae Gofal a Thrwsio yma i'ch helpu chi drwy bob rhan o'r broses, gan gynnig cefnogaeth, cyngor a chymorth y mae croeso i chi ei dderbyn neu wrthod."
Gwneud y mwyaf o’ch incwm
Gall yr asiantaeth eich helpu i uchafu eich incwm drwy wirio eich Budd-daliadau. Gall ein Gweithiwr Achos ddarparu asesiad budd-dal er mwyn sicrhau eich bod yn derbyn y budd-daliadau y mae gennych hawl iddynt.
Dim Rhwymedigaeth
Mae Gofal a Thrwsio yma i’ch helpu chi drwy bob rhan o’r broses, gan gynnig cefnogaeth cyngor a chymorth y mae croeso i chi ei dderbyn neu wrthod. Ni fyddwch ar unrhyw adeg o dan unrhyw rwymedigaeth i fwrw ymlaen gydag unrhyw waith os nad ydych yn sicr. Bydd y penderfyniad terfynol yn cael ei wneud gennych chi.
Partneriaethau Gweithio
Gwasanaeth Tân Gogledd Cymru, Y Gwasanaeth Pensiwn, Canolfan Cyngor Effeithlonrwydd Ynni Gogledd Cymru, Gwasanaethau Tai ac Adnewyddu Ardal Cyngor Sir Ddinbych , Gwasanaethau Cymdeithasol Sir Ddinbych, Bwrdd Iechyd Prifysgol Betsi Cadwaladr.
