Yr Hen Felin, Dolgellau Mae’r tenantiaid sy’n byw mewn un o’n cynlluniau tai cysgodol yn Yr Hen Felin, Dolgellau wedi mwynhau ystod eang o weithgareddau yn ystod y flwyddyn ddiwethaf. Mae’r gweithgareddau, sy’n cael eu cynnal unwaith y mis, yn rhai addysgiadol ac yn rhoi cyfle i denantiaid ryngweithio a chymdeithasu. Maent hefyd yn rhoi cyfle i’r tenantiaid siarad â staff y Gymdeithas ynglŷn ag unrhyw bryderon sydd ganddynt. Ymysg y gweithgareddau a gynhaliwyd roedd cystadlaethau blodau haul, ymweliad gan Bethan Gwanas, yr awdures Gymraeg a chyflwynydd teledu, ymweliadau gan yr Heddlu a’r Frigâd Dân lleol, parti “Body Shop”, sgwrs gan Effeithlonrwydd Ynni Cymru a chyngerdd gyda chantores a thelynores leol.