Holiadur Bodlonrwydd 2008

Holiadur Bodlonrwydd Tenantiaid 2008

Mae mwyafrif o tenantiaid Cymdeithas Tai Clwyd yn fodlon gyda’u cartref a’r gwasanaethau a ddarperir gan y Gymdeithas. Y gyfradd ymateb oedd 30% o’r tenantiaid a dderbyniodd holiadur, gyda 468 o’r 1571 o holiaduron wedi eu dychwelyd, sy’n uwch na’r cyfartaledd ar gyfer arolwg drwy’r post. Mae hwn i’w gymharu â 36% a gafodd eu dychwelyd yn 2005. Felly mae’r adroddiad yma wedi’i seilio ar y 468 o holiaduron a ddychwelwyd erbyn y dyddiad cau.

Gofynnwyd cwestiynau a oedd yn ymwneud â’r pynciau â ganlyn, ac mae crynodeb o’r ymatebion i’w weld isod:

Bodlonrwydd gyda’r gwasanaethau a ddarperir gan y Gymdeithas :

84% yn fodlon (44% Bodlon Iawn a 40% Bodlon)
5% yn anfodlon (4% Anfodlon a 1% Anfodlon Iawn)
Teuluoedd un rhiant – 85% yn fodlon
Teuluoedd dau riant - 65% yn fodlon

Cyswllt gyda’r Gymdeithas:

85% yn teimlo eu bod hi’n hawdd cael gafael ar y swyddog cywir
92% yn meddwl fod y staff yn gymwynasgar
86% yn teimlo fod yr aelod o staff a siaradodd gyda hwy yn medru delio gyda’r broblem
79% yn fodlon gyda’r canlyniad terfynol

Bodlonrwydd gyda’r cartref

87% yn fodlon hefo’u cartref a 87% yn teimlo eu bod mewn cyflwr da neu dda iawn
94% o denantiaid newydd yn disgrifio cyflwr eu cartref fel da neu dda iawn

Bodlonrwydd gyda’r gymdogaeth

84% yn fodlon gyda’u cymdogaeth ond yn nodi fod y canlynol yn broblem fechan neu’n broblem fawr:

Aflonyddwch Hiliol 2%
Trosedd arall 5%
Cerbydau yn cael eu gadael 7%
Pobl yn achosi difrod i’ch cartref 8%
Graffiti 9%
Delio â Chyffuriau 12%
Fandaliaeth 21%
Sŵn Traffig 21%
Problemau gyda chymdogion 21%
Swn gan Bobl 28%
Cŵn 35%
Sbwriel 40%

Gwasanaeth trwsio a chynnal a chadw yn gyffredinol

82% - Bodlon (40% Bodlon a 42% Bodlon Iawn)
9% - Anfodlon (7% Anfodlon a 2% Anfodlon Iawn)
74% - Agwedd gweithwyr a’u gallu i gadw budreddi a llanast i’r isafswm yn dda

Nôl

Bodlonrwydd hefo gwaith trwsio a chynnal a chadw

Ymgynghori â thenantiaid

92% o’r farn bod y Gymdeithas yn dda am hysbysu tenantiaid am bethau a allai effeithio arnynt fel tenant
80% yn teimlo bod eu safbwynt hwy yn cael ei ystyried wrth wneud penderfyniadau am reolaeth eu cartrefi

Yn gyffredinol, fe welwch fod yr ymateb wedi bod yn bositif iawn, er bod y lefel bodlonrwydd ychydig yn is nag yn 2005. Un rheswm posibl tros hyn yw bod yr holiaduron wedi cael eu cwblhau yn ddienw y tro hwn, ond yn 2005 gofynnwyd i’r tenant nodi enw a chyfeiriad ar yr holiadur.

Roedd Tenantiaid Siroedd Wrecsam a Fflint yn gyffredinol yn llai bodlon na thenantiaid o Siroedd eraill – byddwn yn ymchwilio i hyn ac yn ceisio darganfod pam yn ystod y wibdaith ym mis Mehefin.

Er mai dim ond nifer fechan ohonoch a adroddodd am aflonyddwch hiliol, credwn fod hyn yn annerbyniol, ac rydym yn y broses o ddyfeisio ffurflen er mwyn i’n tenantiaid allu adrodd am achosion o’r fath. Cafodd enw pawb a ddychwelodd yr holiadur ei roi
mewn het am gyfle i ennill £150. Yr enillydd oedd Mr Arwel Davies o Ddinbych. Roedd Arwel yn diolch yn fawr am y wobr, ac yn gwerthfawrogi gwaith y Gymdeithas. Dywedodd ei fod yn falch nad oedd yn gorfod cael tynnu ei lun! Mae o am brynu system hi-fi hefo’r wobr.