Prosiect Cae Tŷ Du

Rhoddwyd darn o dir (Cae Tŷ Du) i Gyngor Cymuned Cynwyd gan fusnes lleol yn y pentref. Mae’r tir wedi ei leoli tu ôl i stad fach o dai cyngor ym mhentref gwledig Cynwyd. Pan roddwyd y tir i’r gymuned roedd wedi tyfu yn wyllt ac yn llawn ysbwriel, a than yn ddiweddar, doedd dim wedi cael ei wneud hefo’r safle. Roedd yna ychydig o syniadau yn cael ei drafod yn y pentref am beth i wneud hefo’r tir, felly ganfod barn aelodau’r gymuned, fe drefnodd aelodau Tîm Datblygu Cymunedol Cymdeithas Tai Clwyd sesiwn ymgynghorol agored. Ar ddiwedd y sesiwn, roedd mwyafrif o bobl yn cytuno y bysent yn hoffi gweld gardd gymunedol a maes chwarae i’r plant. Yn dilyn hyn, sefydlwyd grŵp cyfansoddiadol oedd yn cynnwys aelodau o’r gymuned leol (ifanc a hŷn) i weithredu’r prosiect.

 

 

 



Mae’r grŵp, yn cynnwys y plant, wedi gweithio’n galed ar y tir ac wedi treulio oriau yn barod yn chwarae a gweithio yno. Mae’r prosiect eisoes wedi cael effaith mawr ar fywyd y plant. Maent wedi dysgu sgiliau newydd gan eu bod wedi bod yn rhan o bob cam o’r prosiect, er enghraifft maent wedi plannu coed a llwyni (sydd yn denu bywyd gwyllt), chwynnu ac adeiladu waliau cerrig sych ayb. Maent hefyd wedi cael cymryd rhan yn y broses dylunio wrth ddewis offer chwarae a chynllun y safle. Mae rhai o’r plant h ŷ n wedi bod yn aelodau o’r pwyllgor! Mae’r prosiect wedi bod yn llwyddiant gan fod y plant wedi dysgu cymaint â wedi mwynhau gweithio ar y tir. Mi fydd hefyd yn cynnig safle diogel i’r plant gael chwarae a gweithio ac yn cynorthwyo i leddfu diflastod a chadw’r plant o’r strydoedd, ac felly yn cael effaith bositif ar droseddu ac ymddygiad gwrthgymdeithasol.

Cafodd y prosiect ei orffen yn Medi 2006.

  Nôl