Rydym yn sylweddoli efallai mai yswiriant cynnwys yw’r peth diwethaf ar feddwl nifer o denantiaid, yn arbennig felly pan fo cymaint o gostau eraill. Fodd bynnag, dychmygwch fywyd lle gallwch gael premiwm yswiriant fforddiadwy y gellir talu amdano bob yn dipyn, gan roi tawelwch meddwl i chi fod sicrwydd yswiriant gennych ar gynnwys eich eiddo petai rhywbeth yn mynd o’i le, gan adael i chi ganolbwyntio ar y pethau sydd o bwys mewn bywyd.

Wel nid oes rhaid i chi ddychmygu mwyach!

10 rheswm dros ddewis cynllun yswiriant cynnwys Fy Nghartref

1. Opsiynau hyblyg talu bob yn dipyn gydag arian parod. Hefyd, opsiynau debyd uniongyrchol, siec, archeb post, taliad cerdyn credyd/debyd ar gael.
2. Gallwch wneud cais yn gyflym, hawdd a diffwdan, trwy un ai gwblhau ffurflen gais syml neu gysylltu â ni dros y ffôn.
3. Symiau realistig o yswiriant ar gael.
4. Dim ‘excess’ (nid ydych chi’n talu rhan gyntaf o’ch hawliad)
5. Darperir sicrwydd yswiriant yn erbyn lladrad, difrod dŵr, tân a risgiau eraill yn y cartref.
6. Darperir sicrwydd yswiriant yn erbyn difrod i addurniadau mewnol.
7. Darperir sicrwydd yswiriant yn erbyn difrod damweiniol i ddarnau gosod glanweithiol megis toiled a basn ymolchi.
8. Darperir sicrwydd yswiriant yn erbyn difrod i wydro allanol, yr ydych chi’n gyfrifol amdano.
9. Darperir sicrwydd yswiriant yn erbyn allweddi wedi eu colli neu eu dwyn a chynnwys rhewgell.
10. Nid oes raid i chi gael cloeon drysau neu ffenestri arbennig.

Esiamplau o Hawliau

Dioddefodd un teulu ddifrod i’w cartref ar ôl i beipen ddŵr fyrstio. Cafodd y beipen a’r difrod i’r plastr ei drwsio gan y landlord, ond heb yswiriant cynnwys eiddo, ni fyddai’r teulu wedi gallu newid y carpedi, dodrefn, eitemau personol na hyd yn oed addurno eu cartref.

Mewn achos arall, darganfu'r tenant fod cynnwys eu rhewgell wedi difetha oherwydd toriad yn y cyflenwad trydan. Yn ffodus, roedd gan y tenant sicrwydd yswiriant. (mae’r sicrwydd yn eithrio gweithred fwriadol gan gyflenwr nwy/trydan).

Faint fydd cost yr yswiriant?

Esiamplau o bremiymau:
Am swm yswiriedig o £10,000, lle bo’r ymgeisydd yn iau na 60 oed ac yn dewis talu gydag arian parod bob pythefnos, byddai’r premiwm yn £2.59.

I ymgeisydd dros 60 oed, byddai’r premiwm yn £2.32 bob pythefnos am swm yswiriedig o £10,000.

Gellir gwneud arbedion trwy dalu’r premiwm gydag arian parod yn fisol, yn fisol trwy ddebyd uniongyrchol neu yn flynyddol.

Nid yw’r yswiriant hwn yn rhoi sicrwydd yswiriant rhag pob dim all ddigwydd, mae telerau, amodau ac eithriadau yn gymwys, gallwch wneud cais i dderbyn copi o eiriad y polisi. Er mwyn sicrhau fod gennych sicrwydd yswiriant bob amser, mae’n rhaid i chi sicrhau eich bod yn gwneud taliadau cyson. Os na fyddwch yn talu eich premiwm yswiriant, fe all eich yswiriant gael ei ganslo.